''Вакцин хийлгэх боломжгүй хүмүүст эмнэлгийн магадлагаа олгоно''

ЭМЯ-ны ээлжит мэдээллийн үеэр өнөөдөр /2021.05.17/  тус яамны газрын дарга Л.Энхсайхан вакцинтай холбоотой дараах мэдээллийг өглөө. 

Тэрбээр “Манай Улсын хувьд ковид-19 өвчний эсрэг вакцины эхний тундаа 1.7 сая хүн буюу 18 хүртэлх насны хүмүүсийн 31 хувь нь бүрэн хамрагдаад байна. 
Нэгдүгээр тунгаа хийлгэчхээд хоёр дахь тундаа хамрагдахдаа эргэлзэж буй хүмүүс байна. Эхний тунг хийлгэхэд хүний биед хамгаалах уураг бага хэмжээгээр үүсдэг, харин хоёр дахь тунг хийлгэсний дараа цусан дахь хамгаалах уургийн агууламж илүү өндөр болж нэмэгддэг. Тиймээс хамгаалах хүчийг нэмэгдүүлэхийн тулд хоёр дахь тунг хийлгэх шаардлагатай.Мөн вакцины нэгдэх тун хийлгэсэн хүмүүс эргэлзэж байна. Вакцин хийлгэх боломжгүй туйлын эсрэг заалттай хүмүүст эмнэлгийн магадлагааг гаргахаар ажиллаж бана. Вакцины дараах урвал, хүндрэлээс сэргийлж орон нутагт Бүсийн оношилгоо эмчилгээний төв,  нийслэлийн нэгдсэн эмнэлгүүд, нийслэлд I, II, III эмнэлэгт тэдгээр хүмүүст Вероцелл вакциныг хоёр тунгаар, эмнэлгийн хяналтан дор хийхээр зохион байгуулж байна.
Ер нь вакцин хийлгэхдээ эргэлзэж буй хүмүүс аль аль эрсдэлийг нь дэнсэлж шийдвэрээ гаргах хэрэгтэй. Хэрэв хийлгэсний дараах болон хийлгэхгүй бол ямар эрсдэл гарч болохыг тооцоолсны үндсэн дээр шийдвэрээ гаргахыг ДЭМБ-аас ч зөвлөсөн. Вакцинд хийлгэхгүй байгаа хүмүүсийн дийлэнх  нь хариу урвал үзүүлнэ гэсэн айдастай байна.  Коронавирус нь хүний бие бүх эд, эрхтнийг гэмтээж, бөөрний, амьсгалын, зүрх, тархины хүндрэл үүсгэх эрсдэлтэй. Халдвар авсны дараа бие сулрах, ядрах зэрэг мэдрэлийн ядаргааны өөрчлөлтүүд гарч байгаа. Иймд вакцинаа хийлгэх мөн халдвар хамгааллыг сахих ёстой. 
Вакцин хийлгэсэн хүмүүст халдварт өртөх магадлалыг судалсан. Эхний тунгаа хийлгэсэн хүмүүс дунд халдвар авсан хүмүүс ч байна. Мөн хоёр тунгаа хийлгээд 14 хоногийн дараа халдвар авах нь буурч байгаа юм. Вакцинаа хийлгэчихээд 21 хоног дэглэмээ барих шаардлагатай  21 дэх хоногийн дараа халдвар авах нь тун цөөхөн байна. Вакцин хийлгэсэн хүмүүс  мөн гам барих ёстой. Вакцин хийлгэснээс  21 дэх хоногийн дараа хамгаалах үйлчилгээ эхэлнэ.Тэр хүртэл нь маскаа зүүж халдвар хамгааллыг сахих шаардлагатай” гэлээ.