“Google” компанийг 100 сая еврогоор торгожээ

Италийн хэрэглэгчийн эрхийг хамгаалах алба Америкийн “Google” корпорацыг 100 сая гаруй еврогоор торгосон тухайгаа сайтаараа дамжуулан мэдэгдсэн байна. Сайт дээрх мэдэгдэлд “Италийн монополын эсрэг албанаас Alphabet Inc., Google LLC и Google Italy S.r.l.компаниудыг Европын холбооны үйл ажиллагааны 102 зүйлийг зөрчсөн гэж үзээд 100 сая гаруй (102 084 433,91)еврогийн торгууль ногдуулж байна” гэжээ.

Түүнчлэн Италийн монополын эсрэг буюу хэрэглэгчдийн эрхийг хамгаалах алба нь “Android Auto” –д цахилгаан машины цэнэглэхтэй холбоотой үйлчилгээг ашиглахад хэрэглэдэг “Enel X” аппликейшныг оруулан бүртгэхийг үүрэгдсэн байна. Америкийн корпорац нь зах зээл дээрх давуу эрхээ хэтрүүлэн ашиглаж “JuicePass” аппликейшныөөрийн гэсэн хувилбар боловсруулах гэхэд “Enel X Italia”компанид зөвшөөрөл олгохгүй байсан аж. Ийм замаар “Google” компани нь хэрэглэгчийг цахилгаан машинаа жолоодох ба цэнэглэхэд “Enel X Italia” компанийн аппликейшныг ашиглах боломжийг хязгаарлаж байсан гэж үзжээ. “Google” компани нь “Android” систем ба “Google Play” дэлгүүрийнхээ ачаар зах зээлд ноёлох байр суурь эзэлж, аппликейшн боловсруулагчдыг эцсийн хэрэглэгчдэд хүрэх явцыг хянаж байдаг гэдгийг Италийн хэрэглэгчийн эрхийг хамгаалах алба онцолжээ.