У.Хүрэлсүх: Сү.Батболдын оффшорын асуудлыг Цагдаа, Тагнуулын байгууллага шалгаж байгаа юм билээ

 МАН-ын дарга У.Хүрэлсүх Tv9 телевизэд зарим цаг үеийн асуудлаар ярив.

Энэ үеэр УИХ-ын гишүүн Сү.Батболдын талаар дараах зүйлийг хэллээ.

МАН-ын дарга У.Хүрэлсүх: Нөхөр Сү.Батболдын оффшорын асуудал байна. Би Сү.Батболдод бас хэлсэн. Та наад оффшорынхоо асуудлыг шалгуул. Үнэхээр оффшортой үгүйгээ хууль хяналтын байгууллагаар шалгуул. Таны наад оффшорын асуудал МАН-ын нэр хүндтэй ч холбогдож байна. Улс орны нэр хүндтэй ч холбогдож байна гээд хэлсэн. Тэгээд энэ хүн хууль хяналтын байгууллагад шалгуулж байгаа. Цагдаа, тагнуулын байгууллага энэ асуудлыг шалгаж байгаа юм билээ. Шүүх эцсийн шийдвэрийг гаргаад буруутай байна гэж тогтоогдвол хуулийн өмнө хариуцлага хүлээх л ёстой. Улс төрийн хариуцлага гэж бас байна. Нэр дэвшүүлэхгүй байх, намаасаа хасах гэх мэт намын хариуцлагын асуудал бас байгаа.