У.Хүрэлсүх: Ц.Анандбазар гишүүнээсээ түдгэлзээд шалгуулахгүй бол намаас нь түдгэлзүүлнэ гэдэг асуудлыг ярьсан

 МАН-ын дарга У.Хүрэлсүх Tv9 телевизэд зарим цаг үеийн асуудлаар ярив.

Энэ үеэр УИХ-ын гишүүн Ц.Анандбазарын талаар дараах зүйлийг хэллээ.

МАН-ын дарга У.Хүрэлсүх: Нөхөр Ц.Анандбазарыг Цагдаагийн байгууллага шалгаж байгаа юм билээ. Тэр үүсээд байгаа асуудлаар нь. Хэрвээ гэм буруутай нь тогтоодвол энэ хүн хариуцлагаа үүрэх ёстой. Буруугүй бол буцаад ороод ирэх ёстой. Тийм учраас энэ хүн УИХ-ын гишүүнээсээ түдгэлзэж байгаад шалгуулах ёстойг би намын даргын хувьд зарчмын байр сууриа илэрхийлсэн.Үгүй юм бол намаас нь түдгэлзүүл гэдэг асуудлыг ярьж байгаа. Хэрэв гэм буруугүй бол намдаа эргүүлж авна. Гэм буруутай бол намын тухай асуудлыг ярина.