​ Оросыг Америкийн явуулсан биологийн дайралтад өртөж болзошгүй гэжээ

ОХУ-ын Аюулгүйн зөвлөлийн нарийн бичгийн даргын орлогч Юрий Аверьянов “РИА” агентлагт ярилцлага өгөх үеэрээ Оросыг АНУ, НАТО-ийн нууц лабораториудад бүтээгдсэн үхэл тээгч янз бүрийн нянгийн дайралтад өртөж болзошгүй гэж ярьсан байна.

Тэрээр “АНУ болон тэдний НАТО дах холбоотнуудын цэргийн биологичид Оросын хил улам ойртож байгаад онцгой сэтгэл зовниж байна. Учир нь, эдгээр лабораторид бүтээсэн аюултай нян, микробыг гэнэ алдаж алдсан дүрс эсгээд хүрээлэн буй орчинд тараавал Оросын болон манайтай хил залгаа улс орнуудын хүн ам үй олноор үхэх аюултай” гэжээ.

Үүнээс сар гаруй өмнө Оросын Аюулгүйн зөвлөлийн нарийн бичгийн дарга Николай Патрушев нь ОХУ, Хятадын хилийн дагуу америкчуудын хяналт дор ажилладаг тусгай биологийн лабораториуд борооны дараах мөөг шиг олширч байгаа тухай анхааруулж байсан юм. Эдгээр лабораториудад биологийн зэвсэгт боловсруулж байж болзошгүй гэж үзэж байгаа юм байна. Гэхдээ америкчууд эдгээр лабораториудад онц аюултай өвчин эмгэгтэй тэмцэх судалгааны төв гэсэн халхавчзүүдэг аж.