​ Газын сектороос Израйлын зүг 200 пуужин харважээ

Газын сектор дах палестины хэт явцуу үзэлтнүүд өчигдөр ганц шөнийн дотор Израйлын зүг 200 гаруй пуужин харваж, Израйлын цэргийнхэн хариу болгож палестинынутагт 140 гаруй байнд цохил өгсөн байна. Энэ тухай Израйлыг хамгаалах армийн төлөөлөгч ЖонатанКонрикус хэвлэлийн хурал дээр мэдээлжээ. Түүний мэдэгдсэнээр Израйль нь палестины зэвсэгт бүлэглэлүүдийн 140 гаруй объектод цохилт өгснөөс гадна “ХАМАС”, “Исламын жихад” бүлэглэлийн 15 орчим шуурхай бүлгийг устгасан байна. Тэрээр “ХАМАСхөдөлгөөн нь Газын сеторыг бүхэлд хамарсан үйл явдлын хариуцлагыг хүлээх ёстой бөгөөд Израйлын энгийн номхон иргэдийн эсрэг явуулсан алан хядах ажиллагааны хариуцлагыг ч мөн адил хүлээх болно” гэжээ. Израйлын Ерөнхий сайд Биньямин Нетаньяху “Бид хурцадмал байдлыг давраахыг хүсээгүй ч тийм зам сонгосон хүмүүс манай гар ямар хүн болохыг мэдэрнэ” гэжээ.

Палестины бүлэглэлүүд олон тооны пуужингаар харваж дайрах үеэр Израйлын Ашкелон хотод нэг пуужин орон сууцанд тусаж зургаан хүн шархадсан байна.