Британийн Засгийн газар Шотландыг тусгаарлах санал хураалтыг зөвшөөрөхгүй

Их Британийн бүрэлдэхүүнд багтдаг Шотландыг тусгаар улс болж салах тухай бүх нийтийн санал асуулгыг Борис Жонсоны Засгийн газар зөвшөөрөхгүй гэдгээ мэдэгджээ. Энэ тухай Ерөнхий сайдын захиргааны тэргүүн Майкл Гоув олон нийтэд мэдээлсэн байна.  

Шотландын парламентын сонгуулийн дүн гарч, Шотландыг Их Британийн бүрэлдэхүүнээс гарахын төлөө тэмцдэг Шотландын үндэсний нам (SNP) олонх болсон тухай мэдэгдсэний дараа Их Британийн Ерөнхий сайд энэ мэдэгдлийг хийжээ.  

Шотландын тэргүүн сайд, үндсэрхэг үзэлтнүүдийг удирдагч Никола Стрежен нь орон нутгийн сонгуулийн үр дүнг танилцуулсны дараа мэдэгдэл хийхдээ Шотланд нутагт тусгаар улс болохын төлөөр бүх нийтийн санал асуулгыг давтан явуулна гэж мэдэгдсэн юм. Шотландад бүх нийтийн санал асуулга явуулахын тулд Их Британийн Засгийн газрын зөвшөөрөл шаардлагатай байгаа юм. Харин Борис Жонсон тийм зөвшөөрөл өгөхгүй гэдгээ удаа дараалан мэдэгдсэн.  

Уг нь Шотландчууд тусгаар улс болж Их Британийн бүрэлдэхүүнээс гарах талаар санал асуулгын 2014 онд явуулж байсан юм. Тэгэхэд шотландчуудын дийлэнх нь Их Британийн бүрэлдэхүүн үлдсэн нь зөв гэж шийдсэн юм. Харин энэ удаад тусгаар улс болох санал асуулга явуулах гол шалтаг нь Брексит болсон. Их Британийн дийлэнх иргэд Европын холбооноос гарахыг дэмжсэн ч Шотландын оршин суугчид Европын холбоондоо үлдэхийг дэмжсэн юм. Иймд үндсэрхэг үзэлтнүүд нь цаашид Шотланд нутгийг хөгжүүлэхийн тулд Их Британийн бүрэлдэхүүнээс гарч Европын холбоотой нэгдэх ёстой гэж мэдэгдээд байгаа юм.  

Хэрэв Шотландын үндсэрхэг үзэлт удирдлагууд Их Британиас өрх тусгаарлах санал асуулга явуулбал ялалтад хүрэх магадлал өндөр байгаа юм байна. Хэрэв Шотланд нь Их Британиас гарвал Лондон Европын холбооноос гарах үеийнхээс дутахааргүй олон ярвигтай асуудлыг шийдэх ёстой болох юм.