Л.Оюун-Эрдэнэ: Вакциныг УИХ-ын дэд дарга С.Одонтуяа нөхөр Г.Өлзийнбүрэнтэйгээ нийлж улс төржүүлсэн

Ерөнхий сайд Л.Оюун-Эрдэнэ өнөөдөр 100 хоногт хийж хэрэгжүүлсэн ажлаа тайлагнаж, сэтгүүлчдийн асуултад хариулах үеэр манай сэтгүүлч Н.Өнөрцэцэг вакциныг улстөржүүлсэн УИХ-ын гишүүнийг зарлах эсэхийг тодрууллаа.

Ерөнхий сайд Л.Оюун-Эрдэнэ:Вакцинжуулалттай холбоотой ажлыг улстөржүүлсэн олон асуудал байсан. Би тухайн үед асуудлыг хурцатгаад хэрэггүй гэж бодоод чимээгүй өнгөрсөн.Үүнд онцгой үүрэг гүйцэтгэсэн хүн бол УИХ-ын Дэд дарга С.Одонтуяа болон түүний гэр бүлийн хүн Г.Өлзийбүрэн байсан. Тэд зарим хэвлэл мэдээллийн сэтгүүлчтэй холбогдож энэ асуудлыг ярьсан байсан. Мөн Гаалийн байцаагч нар руу утасдаж дарамталсан асуудал ч гарсан.Төрийн өндөр дээд албан тушаалтан эрх мэдлээ урвуулан ашиглаж болохгүй гэсэн хатуу байр сууринаас үүнийг өнөөдөр хэлэх нь зүйтэй гэж бодож байна. Энэ асуудлыг хууль, хяналтын байгууллагаар шалгуулна.