Х.Нямбаатараас шууд асууя: Увс аймгийн цагдаагийн хоёр албан хаагч вакцинаас болж нас барсан уу?

Увс аймагт Вакцинд хамрагдсан цагдаагийн хоёр алба хаагч амиа алдсан гэх мэдээллийн талаар Хууль зүй дотоод хэргийн сайд Х.Нямбаатараас манай сэтгүүлч Н.Өнөрцэцэг тодрууллаа.
Хууль зүй дотоод хэргийн сайд Х.Нямбаатар: Увс аймгийн цагдаагийн хоёр алба хаагч амиа алдсан мэдээллийг тодруулсан. Увс аймгийн цагдаагийн газрын харуулын ахлагч Л гэж хүн, 2016 онд зүрхний шигдээс гэдэг оноштой байсан. Улмаар эмнэлэг хөдөлмөрийн магадлах комисс энэ хүнийг хөдөлмөрийн чадвараа 70 хувь алдсан гэдэг дүгнэлт гаргаад жилийн дараа эргээд цагдаагийн байгууллагад ажиллах боломжтой гэсэн дүгнэлттэйгээр орсон. Вакцинжуулалт дөрөвдүгээр сарын 06,07,08-ны өдрүүдэд вакцинжуулалт хийж байсан тухайн үеийн эрүүл мэндийн байгууллагын ажилтнууд оноштой хүмүүст энэ төрлийн вакциныг эмчийн заавар зөвшөөрлөөр өгч үзүүлнэ гэдэг тайлбар хэлээд гурван өдөр тариагүй. Ингээд дөрөвдүгээр сарын 09-ны өдөр эмчлэгч эмчээс зөвшөөрөл авлаа гэдэг өгүүлэлтэйгээр вакцинаа тариулсан. Улмаар энэ хүний биеийн байдал хүндэрч нас барсан гэдэг ийм мэдээлэл бий. Шүүх эмнэлгийн дүгнэлт эцэслэн гараагүй байна. Зүрхний ишмитэй эмнэлгийн хяналтад байдаг вакцины эсрэг заалттай хүн байсан.Хоёр дахь нь Увс аймгийн цагдаагийн газрын мөрдөгч нь мөн вакцины эсрэг заалттай ийм хүмүүс байсан. Увс аймгийн цагдаагийн газрын мөрдөгч Ц нь УБ-т нэгдүгээр эмнэлэгт яаралтайгаар шинжилгээ өгөөд эмчлэгдэх үедээ нас барсан. Чихрийн шижинтэй иргэн байсан. Одоогоор вакцинаас болсон гэх шүүх эмнэлгийн дүгнэлт гараагүй.