“УЛААНБААТАР-2017” ҮЗЭСГЭЛЭНГЭЭС АЯЛАЛЫН МЭДЭЭЛЛЭЭ АВААРАЙ

Улаанбаатар-2017 үндэсний аялал жуулчлалын үзэсгэлэнг БОАЖЯ, нийслэлийн Аялал жуулчлалын газар, Улаанбаатар аялал жуулчлалын холбоо хамтран ирэх сарын 3-4-ний өдрүүдэд Сүхбаатарын талбайд зохион байгуулах гэж байна. Үзэсгэлэн 3 дахь жилдээ зохион байгуулагдаж байгаа бөгөөд эх орон болон гадны улс орон руу зорчих, аялах үеийн нэгдсэн мэдээлэл олгох, аялалын ерөнхий мэдээлэл, зөвлөмж зөвлөгөө өгөх өөрөөр хэлбэл мэдээллийн нэг цэгийн үйлчилгээг үзүүлэх зорилготой "Аялал бүхэн аз жаргалтай" уриан дор зохион байгуулагдахаар төлөвлөгдөж байна. Үүнд, Их дээд сургууль, аялал жуулчлалын дагалдах бүтээгдэхүүн борлуулагчид, төсөл хөтөлбөрүүд, манай улсад суугаа элчин сайдын яамд, мэргэжлийн холбоод, аймаг орон нутгийн аялал, жуулчлалын газар, тусгай хамгаалалттай газар, аялал жуулчлалын аутбаунд компани, авиа компаниуд болон бизнес эрхлэгчид оролцон үйл ажиллагаагаа сурталчилах боломжтой.