Хунтайж төлбөрийн чадваргүй иргэдийнхээ зээлийг даржээ

Саудын Арабийн угсаа залгамжлах хунтайж Мухаммед бен Сальман Аль Сауд нь 13 сая сауд риал буюу ойролцоогоор 3,5 сая доллар хувийн хөрөнгөөсөө гарган өөрөө төлж чадаагүйгээс шоронд ороод байсан 150 гаруй иргэнийхээ өр зээлийн бүрэн дарсан тухай Саудын хэвлэлийн агентлаг мэдээлсэн байна.

 Хунтайж нь исламын шашинтнуудын ариун сар рамадан сарыг тохиолдуулан ийм үйлдэл хийсэн байна. Үүнээс гадна хунтайж нь ядууст тусламж болгож 87 сая риал буюу 23 сая долларыг шилжүүлжээ.

 Мөн энэхүү ариун рамадан сараар үгээгүй ядуу хүмүүст 100 аяга хоол тараах тухайгаа Арабын Нэгдсэн Эмирт улсууд зарлаад байгаа аж.

 Рамадан сарын үеэр сүсэгтнүүд өдрийн гэрэлтэйд хоол, унд иддэггүй, зугаа цэнгэлийг тэвчдэг ёстой. Зөвхөн хөл хүнд эмэгтэйчүүд, хүнд эмгэгтэй хүмүүс, 7 хүртэлх насны хүүхдүүд, аянчид л эдгээр хориг цээрийг дагахаас чөлөөлөгддөг. Рамаданы үеэр онц хүндэтгэх шалтгаангүйгээр мацаг барих, цээрийг дагахгүй байхыг маш том нүгэл гэж үздэг аж.