​ Крымийг Украйнд буцааж өгвөл эдийн засгийн хориг арга хэмжээгээ цуцална гэжээ

Лондонд болсон Их долоон гүрэн буюу G7-ийн уулзалтын сүүлээр эдгээр улсуудын Гадаад хэргийн яамны тэргүүнүүд Оростой холбоотой хамтарсан мэдэгдэл гаргасан байна. Тус мэдэгдэлд “Бид Оростой тогтвортой, урьдчилан таамаглаж болохуйц харилцаатай  байхыг хүсэж байгаагаа баталж байна. Гэсэн хэдий ч бүрэлдэж тогтсон олон улсын системд тэр дундаа кибер орчин, хуурамч мэдээллийн салбарт заналхийлж байгаа ОХУ-ын эсрэг хамтарсан боломжоо үргэлжлүүлэн нэмэгдүүлэх болно. Бид цаг агаарын өөрчлөлт, зэвсэглэлийн хяналт, зэвсэглэлээс татгалзах, зэвсэг үл тараах болон Аркстикийн байгаль орчныг хамгаалах ба эдийн засгийг хөгжүүлэх гэх мэт бүс нутгийн хямрал болон глобал сорилтуудыг шийдэхэд Оростой хамтран ажилласан хэвээр байх болно” гэжээ.

Гэхдээ G7-ийн сайд нар нь Орост хүний эрхийн  нөхцөл байдал муудаж, сөрөг хүчин, хүний эрхийг хамгаалагчдад системтэйгээр дарамт шахалт үзүүлж байгааг онцолсон байна. Мөн ОХУ-ыг Украйны хилээс цэргээ холдуулах нь нэн чухал болохыг заагаад Европын холбооны зүгээс аваад байгаа эдийн засгийн хориг арга хэмжээг цуцлах эсэх нь Крымийг Украйнд буцаах болон Минискийн тохиролцоог дагаж мөрдөж байгаа эсэхээс хамаарна гэжээ.