Египет улс Францаас сөнөөгч онгоц худалдан авахаар боллоо

Египет улс нь Францаас “Rafale” сөнөөгч онгоц 30-ыг худалдан авахаар болсон тухай Египетийн Батлан хамгаалах яам мэдээлжээ. Энэ тухай Египетийн “Al-Watan” сайтын мэдээлж байгаагаар Египет нь Францын Засгийн газраас 10 жилийн хугацаатай их хэмжээний зээл авч түүгээрээ Францын “Dassault Aviation” компанид үйлдвэрлэсэн сөнөөгчийг худалдан авах юм байна. Уг нь Египет бүр 2015 онд Францаас “Rafale” сөнөөгч онгоц 24 ширгийг худалдан авахаар тохиролцсон байсан ч санхүүгийн асуудлыг шийдэлгүй явсаар өдийг хүрээд байсан аж.

 Үүнээс гадна Каир нь Францаас 3,95 тэрбум еврогоор янз бүрийн зэвсэглэл авах тухай гэрээг дөрөвдүгээр сарын 26-нд байгуулсан тухай Францын “Disclose” мэдээлсэн байна.