Н.Энхбаяр: У.Хүрэлсүхийн нэг давуу чанар бол хэлсэндээ байдаг хүн

МАХН-аас МАН-тай нэгдэн, нийлсэн асуудлын талаар мэдээлэл хийв.

МАХН-ын дарга Н.Энхбаяр: Хамтын ажиллагааны үр дүнд олон асуудлыг шийддэг, олон жил яригдсан асуудлыг шийдэх гэсэн асуудлыг энэ намын нэгдлийн үндсэн дээр шийдэхээр төлөвлөж байгаа.Өнгөрсөн дөрөвдүгээр сарын сүүлээр гэрээнд гарын үсэг зурсан. Олон жилийн турш энэ асуудлыг ярьж байсан. Нэг угшил гаралтай, үзэл баримтлал нэгтэй, нэг үүх түүхтэй МАН, МАХН нэгдэн нийлэх үү эсвэл эвсэл болох уу сонгуульд хамтран оролцох уу гэдэг сүүлийн хэдэн жилд яригдаж ирсэн. Эцэст нь нэгдэн нийлэх нь зүйтэй гэж үзсэн. Гэхдээ хоёр том зарчмын асуудлыг урьдчилан тохирсон байгаа. Нэгдүгээрт, намын жирийн гишүүдийн дунд хэлэлцүүлэг явуулсан. Хоёр намаас гаргасан ажлын хэсэг хамтарсан уриалга гаргасан. Хамтарсан уриалга дотор 10 том зорилтыг дэвшүүлсэн. Намын гишүүд ч энэ уриалгыг дэмжсэн. Тус уриалгад үндэслэн гэрээ байгуулсан. Бид шинэ Үндсэн хуультай болох талаар саналаа солилцож байна. Хоёрдугаарт, Байгалийн баялаг ард түмний өмч байх ёстой гэж үзэж байна. Гуравдугаарт, Нийгмийн чиг баримжаатай Бүгд найрамдах улсыг байгуулна гэсэн зарчим бий. Хоёрын намын нэгдлийн хамгийн гол шалтгаан нь үндсэн хуулийн өөрчлөлт. Шинэ Үндсэн хууль буюу тав дахь Үндсэн хуультай больё гэж байна. Хэрэв Ерөнхийлөгчийн сонгуульд МАН  ялагдвал гэж асууж байна. Амьдрал баян юм чинь ард түмний л сонголт. Ялагдсан, ялагдаагүй энэ тэмцэлд тууштай байж, эв нэгдэлтэй байх энэ ажлаа зогсоохгүй, хэлсэндээ байна. У.Хүрэлсүхийн давуу чанар бол хэлсэндээ байдаг хүн.