Б.Баатархүү: УНТЭ-ийн зүүн жигүүрийн зургаан давхраас унасан байж болзошгүй 42 настай амь хохирогч эмэгтэйн хэргийг шалгаж байна

Улсын нэгдүгээр төв эмнэлэгт коронавирусийн халдвартай иргэдэд буюу улаан бүсэд коронавирусийн халдвартай иргэдэд тусламж үзүүлж байсан тус эмнэлгийн сувилагч өнгөрсөн шөнө цонхоор унаж харамсалтайгаар амиа алдсан гэх мэдээлэл байгаа. Энэ талаар ЦЕГ-ын хэвлэл мэдээллийн төвийн дарга Б.Баатархүү: Дөрөвдүгээр сарын 29-ний өдрийн 00:23 цагт СБД-ийн цагдаагийн 1-р хэлтэст дуудлага мэдээлэл ирсэн. УНТЭ-ийн гадаа өндрөөс унасан байдалтай хүн нас барсан байна гэх дуудлага.Хэргийн газар дээр үзлэг хийгээд мөрдөн шалгах ажиллагаа үргэлжилж байна. Энэ хэрэг нь үйлдэгдэх болсон шалтгааныг тогтоохоор цагдаагийн байгууллага ажиллаж байна. Хэргийн үзлэгээр тус эмнэлгийн зүүн жигүүрийн зургаан давхараас унасан байж болзошгүй байгаа. Амь хохирогч нь 42 настай эмэгтэй.