ЗХЖШ: Зэвсэгт хүчнийг улс төртэй холбох нь үндэсний аюулгүй байдлыг алдагдуулах, бусад улсын өгөөш болгох талтай

ЗХЖШ-ын дарга Д.Ганзориг:Өнөөгийн нөхцөл байдалд бид хэсэгчилсэн байдлаар хууль болон МУ-д өрнөж байгаа нийгмийн энэ асуудлыг толилуулснаар МУ-ын нийт иргэдийг талцуулах байдалд хүргэж байна. Үүн дээр хаа, хаанаа бодож болгоомжилж, улс орныхоо аюулгүй байдлыг хангах нь зүйтэй байна. Зэвсэгт хүчин нь улс төрөөс ангид байж, улс орны аюулгүй байдлыг хангах хуулийн зохицуулалттай. Зэвсэгт хүчнийг улс төртэй холбож олон нийтэд сөрөг мэдээлэл цацах нь хууль зөрчиж буй үйлдэл бөгөөд зэвсэгт хүчинд итгэх иргэд олон нийтийн итгэлийг бууруулж, цаашлаад үндэсний аюулгүй байдлыг алдагдуулах, гадны улсын өгөөш болгох нөхцөл байдлыг бүрдүүлдэг.Зэвсэгт хүчнээ улс төржүүлэх, улс төрийн үйл ажиллагаандаа татан оруулснаар иргэний дайнд хүргэж, улс орноо мөхөөх хүртэлх түүх бий.