А.Ариунзаяа: "​ХБХСЗТ"-д халдвар авсан жирэмсэн эмэгтэйчүүд, хүүхдүүдийг шилжүүлэн авахаар бэлтгэл ажил хангагдаж байна

Хөгжлийн бэрхшээлтэй хүүхдийн сэргээн засах төв нь 250 хүүхэд, хүний ор хоногийн багтаамжтай том эмнэлэг аж. Тиймээс Хөдөлмөр нийгмийн хамгааллын сайд А.Ариунзаяа "Уг төвд Ковидын үед хэвтэн эмчлүүлэгч байхгүй. Бид асрамжийн газруудаас 10 хүүхэд авсан байсныг эргүүлэн асрамжийн газартаа авлаа. Одоо халдвар авсан жирэмсэн эмэгтэйчүүд, хүүхдүүдийг шилжүүлэн авахаар бэлтгэл ажил хангагдаж байна. Ковидын үед бүрэн хүчин чадлаар ажиллах нь маш чухал учир цаашид энэхүү том эмнэлэгийг бүрэн хүчин чадлаар нь ашиглах нь чухал. Ийм учраас Ковидын дараа Эрүүл мэндийн яамтай хамтран зөвхөн хөгжлийн бэрхшээлтэй гэлтгүй бүх хүүхдүүдэд чиглэсэн эмнэлэгийн үйлчилгээ үзүүлэх нь зөв гэж бодож байна" хэмээн мэдээллээ.