Дархан-Уул аймагт өнөөдрөөс эхлэн гурван хэсэгт авто замын засварын ажлыг эхлүүллээ

М.Төгөлдөр

2021/04/18

“Дархан орон нутгийн зам тээвэр” ОНӨААТҮГ өнөөдрөөс эхлэн гурван хэсэгт авто замын засварын ажлыг эхлүүллээ.

Дархан сумын хэмжээнд хатуу хөл хорио тогтоосон зургаан өдрийн хугацаанд 380 айлын уулзвар, ОХУ-ын Ерөнхий консулын уулзвар, БХТН-ээс Дархан сумын ЗДТГ руу эргэдэг уулзваруудын замын эвдрэл гэмтлийг засах ажээ. Тиймээс хатуу хөл хорионы өдрүүдээр нийт 400 гаруй мкв талбайд нөхөөс хийхээр ажиллаж байна.

Гурван техник, инженер болон замын ажилтан нийт 11 хүн зам засварын ажил хийж байгаа аж. Богино хугацаанд ажлаа дуусгаж чадвал энэ хугацаанд Монгол алтны уулзварын зам засварын ажлыг хийхээр төлөвлөжээ. Одоогоор зам засварын нөхөөс хийх ажилд хэдэн төгрөг зарцуулах нь тодорхойгүй аж. Дархан сумын хэмжээнд нийт 4000 гаруй мкв талбайд авто замын нөхөөс хийх судалгаа гарсан байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ