Өнөөдөр 742 тохиолдол батлагдаж, хоёр иргэн нас барлаа

Өнөөдрийн /2021.04.15/ Эрүүл мэндийн яамнаас өгсөн мэдээллээр 10666 хүнд шинжилгээ хийхэд 742 хүнээс коронавирус илэрсэн байна. Эдгээрээс нийслэлд 654 тохиолдол, 88 тохиолдол нь хөдөө орон нутгаас батлагдсан байна. 

Гадны улсаас ирсэн 69 настай эмэгтэй, ХӨСҮТ-д эмчлэгдэж байсан 72 настай эрэгтэй коронавирусийн улмаас нас барсан бол Сүхбаатар дүүргийн нэгдсэн эмнэлэгт хэвтэн эмчлүүлж байсан нэг иргэн коронавирус батлагдсан ч бөөрний хүнд өвчний улмаас нас барсан байна. 

Ингэснээр Монгол Улсын хэмжээнд ковид-19-ийн халдвар авсан хүний тоо 18565 боллоо. Мөн сүүлийн 24 цагт 385 хүн эдгэрч, эдгэрсэн  нийт хүний тоо 10638 боллоо.