Украйн: Гагариныг сансарт хөөргөхөд Зөвлөлтийн пуужинг зохион бүтээсэн хүн нь манай улсын Житомир хотын уугуул

Дөрөвдүгээр сарын 12-нд дэлхийн нийтээр хүн анх сансарт хөөрсөн түүхэн өдрийг тэмдэглэн өнгөрөөсөн. Энэ жил энэхүү түүхэн үйл явдлын 59 жилийн ой болж өнгөрлөө. Энэ баярыг задран унасан Зөвлөлт их гүрний залгамжлагч гэгддэг Орос улсад хамгийн өргөн дэлгэр тэмдэглэдэгт гайхах хүн гарч байгаагүй биз. Гэтэл энэ жилээс Украйн улс сансарт анх хүн ниссэн гавьяаг булаацалдсан мэдэгдэл хийжээ.

 Украйны Ерөнхийлөгч Зеленский нь Twitter хуудсаараа дамжуулан  Украйны Ерөнхийлөгч Зеленский нь Twitter хуудсаараа дамжуулан Гагариныг сансарт хөөргөхөд Украйн улс шийдвэрлэх үүрэг гүйцэтгэсэн гэж мэдэгдээд хэрүүл маргааныг эхлүүлсэн байна. Тэрээр Гагариныг сансарт хөөргөсөн Зөвлөлтийн пуужинг зохион бүтээсэн Королев нь Украйны Житомир хотын уугуул байсан гэдгийг сануул гэж мэдэгдээд хэрүүл маргааныг эхлүүлсэн байна. Тэрээр Гагариныг сансарт хөөргөсөн Зөвлөлтийн пуужинг зохион бүтээсэн Королев нь Украйны Житомир хотын уугуул байсан гэдгийг сануулаад, Зөвлөлтийн сансрын хөтөлбөрийг хэрэгжүүлэхэд Украйны зохион бүтээгчид шийдвэрлэх үүрэг гүйцэтгэсэн гэжээ. Үүний хариуд Оросын Гадаад яамны төлөөлөгч Захарова мэдэгдэл хийж Зөвлөлтийн залгамжлагч болж үлдсэн Орос улс нь хүн анх сансарт ниссэн гавьяаг тухайн үеийн Зөвлөлтийн бүрэлдэхүүнд байсан 15 Бүгд найрамдах улсын бүгдийнх нь хамтын хичээл зүтгэлийн үр дүн гэж үздэг, хүн сансарт анх ниссэн баяр бол бүгдийнх нь хамтын баяр гэж хариу барьжээ.

 Мөн АНУ-ын Төрийн департамент энэ өдрийг тохиолдуулан гаргасан мэдэгдэлдээ Америкийн сансрын нисгэгчийн зургийг байрлуулж, сансарт анх хүн хөөрсөн өдөр гэдгээс өөр ямар ч онцлох мэдээлэл дагалдуулаагүй байж. Хальт харсан хүн бол сансарт анх хүнээ хөөргөсөн улс нь АНУ гэж ойлгогдохоор байсан юм байна. Үүнийг Оросын Гадаад яам шүүмжилж, сансарт анх хүн хөөргөсөн улс ба тэр хүний нэрийг дурслаа гээд АНУ –ын нэр хүнд унахгүй гэж мэдэгдээд тэр улс нь Зөвлөлт Холбоот Улс, хүнийх нь нэрийг Юрий Гагарин гэдгийг сануулж, цагтаа Зөвлөлтийн сансарт хүн хөөргөлөө гэдэгт АНУ-ын Ерөнхийлөгч Кеннеди баяр хүргэн цахилгаан явуулж байсныг онцолжээ.