ЭМЯ: Уушги орлуулах аппаратад нэг иргэн ороход 35 сая орчим төгрөгийн өртөгтэй байна

ЭМЯ-ны газрын дарга Б.Буянтогтох: Эмнэлгийн ачаалал асар их ихэсч байна. Хүндэрсэн хүний тоо нэмэгдэхэд эмнэлгийн ачаалал 5-10 дахин хурдацтайгаар хомсдох эрсдэл үүсч байна. Нийгмийн Эрүүл мэндийн судлаачид, тархвар судлаачид маань тархалтыг зогсоохын тулд хөл хориог тогтоохоос өөр аргагүй байна гэж үзэж байгаа. ЭМЯ болон ХӨСҮТ-ээс хөл хорио тогтоож байж тархалтыг хумих хэрэгтэй байна. Тархалтаа зогсоож байж хүнд, нэн хүнд хүмүүсээ бууруулж, эмчлэх хэрэгтэй. Өндөр ачаалал үнэхээр их байна. Хамгийн их их ачаалал үүсгэж буй хэсэг нь хүнд, хүндэвтэр, нэн хүнд хүмүүс дээр ачаалал их,хүний нөөц хомсдолд ордог. Өнөөдөр эмнэлгийн эмч, ажилчид үнэндээ туйлдаж байна.Өдөрт 500-1000 хүн халдвар авбал бүх хүний нөөцөө ковидод дайчлах бололцоогүй. Хүний нөөц, эмнэлгийн тоног төхөөрөмж хамгийн эрсдэлтэй үедээ явж байна. Ковидоос сэргийлж, урьдчилан сэргийлэх боломжтой. Тэгэхээр иргэд өөрөө ухамсартай баймаар байна шүү дээ. Эмнэлгийн ажилчдад иргэн та халдвар авахгүй байх л хамгийн том тус юм шүү. Хурдацтайгаар тархалт нэмэгдээд хүнд хүний тоо нэмэгдвэл амьсгалын аппарат хомсдох эрсдэлтэй шүү дээ. Амьсгалын аппарат 900 байгаа гэхдээ энэ хэмжээнд тулгатал явна гэж эрсдэлд оруулж болохгүй. Манай улсад дэлхийн дунджаас нас баралт 0,13 хувьтай байна. Уушги орлуулах нэг аппарат бий. Хоёр аппарат захиалаад нэг нь ирчихсэн.Дөрөвдүгээр сардаа гурван уушгины аппараттай болох зорилттой байгаа. Экмо буюу уушги орлуулах аппаратад нэг хүнийг оруулахад зардал маш их буюу 35 орчим сая төгрөг байна.