ХӨСҮТ, ЭМЯ-наас 21-28 хоног хатуу хөл хорио тогтоох саналыг УОК-т гаргажээ

Халдварын тохиолдол маш өндөр байгаа учир хөл хорио тогтоох саналыг ХӨСҮТ, ЭМЯ-наас УОК болон ЗГ-луу  тогтмол хүргүүлдэг гэх мэдээллийг ЭМЯ-наас өгсөн. 

Халдварын тохиолдол өдөрт 500-800 тохиолдол бүртгэгдэж байгаа энэ үед ЗГ-аас цар тахлын нөхцөл байдал болон зарим асуудлаар хуралдаж байгаа юм.

Тэгвэл ХӨСҮТ болон ЭМЯ-наас 21-28 хоногийн хатуу хөл хорио тогтоох саналыг өчигдөр /2021.04.06/болсон УОК-ын Шуурхай хуралдаанд танилцуулсан байна. Эцсийн шийдвэрийг Засгийн газар гаргах бөгөөд уг асуудлыг Засгийн газрын өнөөдрийн хуралдаанаар хэлэлцэж байгаа юм. 

ХӨСҮТ, болон ЭМЯ-наас хөл хорио тогтоохгүй бол эмч ажилчдын ажиллах хүчний нөөц хүндрэлд орж, тохиолдлын тоо 4000-т хүрэх тооцооллыг эрдэмтэд гаргасанг мэдээлэл бүртээ сануулдаг. Тохиолдлын тоо өсөх хэрээр нас баралт ч нэмэгдэж коронавирусын шалтгаант нас баралт 17  болоод байна.