Дорнод аймагт хоёр тохиолдол бүртгэгдлээ

Дорнод аймагт 04 дүгээр сарын 06-ны өдөр Коронавируст халдварын магадлалтай 2 иргэн бүртгэгдэж, улмаар ПГУ шинжилгээний хариу эерэг гарсан байна. 

Тодруулбал: Батлагдсан 2 тохиолдлын нэг иргэн нь 13А маягттай Улаанбаатар хот руу явж эмчилгээ хийлгээд гэртээ ирж, гэрийн тусгаарлалтанд байсан бол, Дорнод аймгийн Цагаан-Овоо сумын "Степ-Гоулд" ХХК-ны уурхайд ажилладаг нэг иргэн гуравдугаар сарын 31-ний өдөр ирж, зөвшөөрөгдсөн тусгаарлах байранд тусгаарлагдаж байжээ.  

Батлагдсан тохиолдлууд болон ойрын хавьтлын 6 хүнийг аймгийн Халдвартын тасагт тусгаарлан, дам хавьтлын иргэд амьдарч буй хоёр байранд хамгаалалт гаргасан байна. 

Харин Матад сумын иргэн аймаг хооронд зөвшөөрөлгүй зорчиж, Сүхбаатар аймгийн Эрдэнэцагаан сумын батлагдсан тохиолдлын ойрын хавьтлаар мэдээлэгдэн, тусгаарлалтын дэглэм баримтлаагүй байна.

Дорнод аймгийн хэмжээнд 2021 оны 04 дүгээр сарын 06-ны өдрийн байдлаар гэрийн тусгаарлан ажиглалтад 418 иргэн байгаа аж.