Б.Энхбаяр: ЗХЖШ-ын даргыг чөлөөлөх асуудлаар Ерөнхийлөгчид хандаж, тогтоолын төсөлд оруулна

Зэвсэгт хүчний анги, салбарт гарсан хүн амины гэмт хэргийн асуудлаар Хүний эрхийн дэд хороо хуралдлаа.

Хүний эрхийн дэд хорооны дарга, УИХ-ын гишүүн Б.Энхбаяр:  Цаашид нэг ч ээж аав цэрэгт явуулсан үр хүүхдээ алдахгүй байхаар арга хэмжээ авах хэрэгтэй. Нэгдүгээрт энэ зөрчигдөж байгаа эрхийн асуудлын тоо мэдээллийг өөрсдөө мэдэхгүй байгаа юм. Тодруулбал, ЗХЖШ, ХЭҮК-ын өгсөн тооноос ЦЕГ-аас өгсөн тоон мэдээлэл илтэд зөрүүтэй байна. Прокурорын байгууллага 510 гаруй гэмт хэрэг зөрчлийн асуудал ярьж байна. ЦЕГ-аас ч сүүлийн 3,4 жилийн доторх тодорхой тоог хэллээ. ХЭҮК-ын хэлсэн тооноос хоёр дахин бага тоог ЗХЖШ-ын дарга нь өөрөө хэлээд сууж байна. Хандлага, ярьж байгаа байдлаас нь харахад удирдлагын түвшинд хариуцлага ярих хэрэгтэй юм байна.  ЗХЖШ-ын даргыг Ерөнхийлөгч томилж, чөлөөлдөг учир МУ-ын Ерөнхийлөгчид энэ байгууллагын удирдлагад хариуцлага тооцооч ээ гэдэг чиглэлээр асуудлыг зөвлөе.Тогтоолын төсөлд оруулая гэдэг саналтай байна. Олон ч гишүүн энэ асуудлаар байр сууриа илэрхийлж байна.