Цэцэрлэг сумын засаг дарга: Манай эмч ажилтнууд тоомжиргүй үйлдэл гаргасан байна лээ

Хөвсгөл аймгийн Цэцэрлэг суманд коронавирусын тохиолдлууд нэмэгдэж бүртгэгдсээр байгаа юм. Цэцэрлэг суманд халдвар авсан иргэн, сэжигтэй тохиолдлын хоёр иргэнийг сумын эмнэлэгт тусгаарлах явцдаа 20 километр зайд алхуулж араас нь цагдаагийн машинтай дагаж алхуулсан талаарх асуудлыг Хөвсгөл аймгийн Цэцэрлэг сумын засаг дарга н.Анхбаяраас тодрууллаа. 

Хөвсгөл аймгийн Цэцэрлэг сумын засаг дарга  н.Анхбаяр:  "Тодорхой мэдээллийг ЭМТ-ийнхөн өгөх байх. Гэхдээ миний дам дуулснаар тухайн хоёр иргэнийг тусгаарлахад давааны хяр хүртэл нөхөр нь хүргэж өгөөд, цааш авч явахдаа 10 гаруй километр алхуулаад авч явсан.Энэ асуудалд манай эрүүл мэндийн байгууллагынхан тоомжиргүй хандсан байна лээ.  Тухайн тусгаарлах ажиллагаа зохион байгуулсан хүмүүст хариуцлага тооцох эрх бүхий хүн нь би биш учир Аймаг руу ийм асуудал гарсан гэдгээ хэлсэн байгаа. " гэв.