ХӨСҮТ: Хувь хүмүүс нийгмийн харилцаагаа хумьж, багасгах шаардлагатай байна

ХӨСҮТ-ийн албаны дарга Ж.Байгалмаа: Улаанбаатарт олон хүнийг хамарсан голомтууд нэмэгдэж, ЭМ-ийн ажилчдыг хамарсан голомтууд ч нэмэгдэх хандлагатай байна. Тиймээс, хувь хүмүүс нийгмийн харилцаагаа багасгах шаардлагатай байна. Ажил төрөл, гэр бүл найз нөхдөөрөө цуглах зэрэг нийгмийн харилцааг аль болох цахимаар хийх. Олон хүнтэй газар явахгүй байх, фитнес, дугуйланд явдаг бол халдварын тархалт их байгаа үед түр хугацаанд явахгүй байх зэргээр өөрөө биеэрээ очиж оролцох нийгмийн харилцаанаас аль болох татгалзаж багасгаж хязгаарлах хэрэгтэй байна. Албан байгууллагууд нэг өрөөнд олон хүн суудаг  бол нэг өдөр цуглах хүмүүсийнхээ тоог багасгах шаардлатай. Ажлын байрандаа амны хаалтаа тогтмол зүүж, гараа тогтмол ариутгахыг анхааруулж байна.