Бичлэгт гарсан АТГ-ын ажилтан П.Чулуунбаатарыг үүрэгт ажлаас нь чөлөөллөө

Авилгатай тэмцэх газрын Аюулгүй байдал, дотоод хяналт шалгалт хариуцсан нэгжээс тус байгууллагын ажилтан, комиссар П.Чулуунбаатарт холбогдуулан шалгалт хийн  хоёрдугаар сарын 24-ний өдрөөр тасалбар болгон  үүрэгт ажлаас нь чөлөөлсөн байна. 

Тэрбээр "Байгууллагынхаа нэр хүндийг унагаж, олон нийтэд буруугаар ойлгогдох нөхцөл байдлыг бий болгож, ёс зүйн алдаа гарган цаашид албан үүргээ гүйцэтгэх боломжгүй гэдгээ ухамсарлаж уучлалт гуйж байна " гэдгээ мэдэгдсэн байна. 

П.Чулуунбаатарыг анх бичлэг цацагдахад АТГ-ын хэрэг шалгадаг мөрдөгч гэж хэвлэлээр мэдээлж байсан ч тэрээр Хяналт шалгалт, дүн шинжилгээний хэлтсийн Мэдүүлгийн бүртгэлийн ажилтнаар ажиллаж байсан юм.