Аавыгаа илчлээд од болж, 100 мянган долларын буцалтгүй тусламж авчээ

АНУ-д либералууд ба консерватив үзэлтнүүд хоорондын тэмцэл улам бүр даамжирч, нийгэм дэх хагарал улам лавширч байна. Үүний нэг жишээ нь “CNN” гэх мэт либерал чиг баримтлалтай хэвлэлт мэдээллийн хэрэгслүүд хэдхэн хоногийн өмнө Жексон Раффин гэгч 18 настай залууг Америкийн үндэсний баатар болгон өргөмжилсөн явдал. АНУ-ын Конгресс хуралддаг Капитоли ордныг Трампыг дэмжигчид дайрч эзэлсэн явдлыг бүгд санаж байгаа байх. Тэгвэл Жексон Раффин гэгч энэ залуугийн эцэг нь энэ дайралтад оролцсон ч цагдаа, тусгай албадын хараанд өртөлгүй мултарч чадсан байж. Гэвч Жексон хүү нь ийм байдлыг хараад тэвчиж чадсангүй Холбооны мөрдөх товчоонд очиж очиж аавыгаа зааж өгснөөр, аавыг нь баривчилжээ.

Ийм үйлдэл хийлээ гэж түүнийг яасан гэж бодож байна? “CNN” шууд нэвтрүүлэгтээ урьж магтсан, Нью-Йорк мужийн амбан захирагч Эндрю Куомо биечлэн уулзаж талархал илэрхийлсэн, либерал үзэлтнүүд онлайнаар мөнгө хурааж сургалтын мөнгө гэж 100 мянган доллар цуглуулж өгчээ. 
Эрх баригч ардчилсан нам нь ийм аргаар Трампыг дэмжигчдийг илчилж, дэмжигчдийнхээ хүрээг тэлэхийг хичээсэн нь илэрхий. Энэ арга ч үр дүнгээ өгч Жексон Раффин “CNN”-ээр гарч од болсноос хойш гурван долоо хоногийн дотор 200 мянга гаруй залуучууд цагдаа ХМТ –нд хандан ойр дотнын хүмүүсээ ховлож мэдээлсэн байна. Хачирхалтай нь, тухайн үед Капитолийн ордныг дайрч эзэлсэн хүний тоо яагаад ч 200 мянга хүрэхгүйд хэргийн гол нь байгаа юм байна.