Бичлэгт гарсан Шүүгч Х.Идэр, З.Болдбаатар нар ажил үүргээ хэвийн гүйцэтгэж байна

Баянзүрх дүүргийн 26-р хороонд байрлах "Парк Вью" хотхоны ... дугаар тоотоос хууль, хяналтын байгууллагын ажилтан, албан тушаалтнуудын орж, гарч буй үйлдлийг бичсэн хяналтын камерын бичлэголон нийтийн дунд цацагдсан. Түүгээр зогсохгүй өчигдөр /2021.02.24/ цахилгаан шатны бичлэг мөн олон нийтэд хүрсэн. Тухайн үед бичлэгт гарсан хүмүүсийн дунд СБД-ийн Эрүүгийн хэргийн анхан шатны шүүгч З.Болдбаатар, Булган аймгийн шүүгч Д.Отгонбаатар, СБД, ЧД, БЗД-ийн шүүхийн Эрүүгийн хэргийн анхан шатны шүүгч Х.Идэр нар байсан нь тод гардаг. Шүүхийн Ерөнхий Зөвлөлийн Ёс зүйн хорооноос эдгээр шүүгчдийн талаар ямар нэгэн гомдол ирээгүй учир арга хэмжээ тооцохгүй тухай өмнө нь мэдээлж байсан. Тэгвэл эдгээр шүүгчид өнөөдрийн байдлаар ажил үүргээ хэвийн гүйцэтгээд явж байна.