Л.Оюун-Эрдэнэ: Вакцинжуулалт амжилттай явагдвал ирэх тавдугаар сард хилээ нээх төлөвлөгөө бий

Өнөөдөр МУ-ын Ерөнхий сайд Л.Оюун-Эрдэнэ, Засгийн газрын гишүүд аялал жуулчлалын салбарынхантай уулзлаа. Уулзалтаар салбарт тулгамдсан асуудлуудыг хэлэлцэн, цаашдын үйл ажиллагааг хэрхэн үргэлжлүүлэх талаар санал солилцсон байна. 

Уулзалтын үеэр аялал жуулчлалын салбарынхан хилээ нээх хугацаагаа тодорхой зарлаж, үйл ажиллагаанд баримтлах дүрэм журмыг шинэчлэх саналыг Засгийн газрын тэргүүнд уламжлахад  "Тавдугаар сарын 1-нээс хилээ нээх талаар судална. Энэ талаар ирэх долоо хоногийн Засгийн газрын хуралдаанаар хэлэлцэе. Ингэхдээ  бид халдвар хамгааллын дэглэмийг сайтар баримталж, вакцинжуулалт тасалдахгүй явагдаж, иргэдийн 50-аас дээш хувийг вакцинжуулах төлөвлөгөөгөө биелүүлж чадвал вакцинжуулсан иргэдэд хил нээлттэй байх асуудлыг тавдугаар сарын 1-нээс өмнө шийдэж чадах байх гэж бодож байгаагаа илэрхийлсэн байна.