А.Амбасэлмаа дарга гавъяаныхаа амралтанд гарна

Эрүүл мэндийн яамны мэдээллээр ард түмэнд жил гаруйн хугацаанд өдөр бүр цэнхэр дэлгэцээр дамжуулан мэдээлэл өгч байгаа ХӨСҮТ-ийн Тандалд судалгааны албаны дарга, доктор А.Амбасэлмаа гуравдугаар сарын 01-ний өдрөөс эхлэн гавъяаныхаа амралтанд сууж байна. 

Тэрбээр эрүүл мэндийн салбарт 38 жил ажиллаж байгаа бөгөөд ажлын гараагаа Дундговь аймгийн ЭМГ, Эрүүл мэндийн халдвар судлалын станцаас эхлүүлж байжээ. Мөн тэрбээр ХӨСҮТ-ийн тандалтын албаны даргыг 11 жил хийж байгаа бөгөөд 2009 онд томуугийн А/H1N1/ вирустэй баг, хамт олноороо тэмцэж байсан байна. 

Хэдийгээр гавъяаныхаа амралтыг авч байгаа ч цаашид шаардлагатай заавар, зөвлөгөөг өгч явахын зэрэгцээ өөрийн орны хүнийг өөрөө бэлдсэн байна. Ард иргэдийнхээ эрүүл мэндийн манаанд хүчин зүтгэж буй танд эрүүл энх, сайн сайхныг хүсэн ерөөе.