Х.Тэмүүжин: Шүүгч нар ор хөнжлийнхөө асуудлаар барьцаалагддаг нь нэн тэргүүний ярих асуудал

Хууль зүйн сайд асан Х.Тэмүүжин АТГ, ҮАБЗ, шүүгч нарын ёс зүйгүй үйлдлийн талаар "Бичлэг хэн цацсан, охид биеэ үнэлэгч байсан эсэх нь дараагийн асуудлууд. Шүүхээс гадуур архи, мөнгөний ард, тусгай үдэшлэг дээр эдгээр байгууллагын албан тушаалтнууд хэрэг ярьж зохион, ял төлөвлөж, үүрэг даалгавар гүйцэтгэдэг, ор хөнжлийн асуудлаар бусдад барьцаалагддаг эсэх асуудал нь нэн тэргүүний асуудал" хэмээн өөрийн байр суурь, үзэл бодлоо цахим хуудаснаа хуваалцсан байна. 

Дашрамд дурьдахад Зариг.мн сайт олон нийтэд анх албан тушаалтнуудтай холбоотой бичлэгийг нийтлээгүй бөгөөд уг бичлэгийг анх хэн цацсан эсэх нь нийгмийг талцуулаад байгаа юм. Асуудлын гол нь шүүгч нар өмгөөлөгч, прокурортой ч уулзах нь хязгаарлагдмал байдаг атал ийм сэжимээр холбогдож байгаа нь олон нийтийн дунд шүүхийн хараат бус байдал, шүүхэд итгэх итгэлийг үгүй хийсэн үйлдэл хэмээн олон нийт дургүйцэн хүлээн авч байгаа билээ.