Д.Баттулга: Цагдаагийн алба хаагчид эмэгтэйчүүдээс тайлбар мэдүүлэг авахдаа эрүүдэн шүүсэн байж болзошгүй учир ЦЕГ-ын тусгай субъектийг шалгах газарт шалгуулна

Хууль шүүхийн байгуулагын албан тушаалтнуудтай хамт бичлэгт гарсан охидын өмгөөлөгч мэдээлэл хийлээ.

Өмгөөлөгч Д.Баттулга: БЗД-ийн нутаг дэвсгэрт байрлах нэгэн байрны орцны бичлэг цацагдсан. Тухайн бичлэгт нэр бүхий шүүгчид төрийн байгууллагын эрх бүхий албан тушаалтнууд гарсан байдаг. Дээрх бичлэг цацагдаад нэр бүхий шүүгчид нэр бүхий албан тушаалтнуудыг прокурорын зөвшөөрөлгүйгээр цагдаагийн байгууллагынхан болон эрх бүхий албан тушаалтнууд тагнасан дагасан, мөрдсөн үйл баримтууд байж болзошгүй байна. Энэ үйлдэл нь Эрүүгийн хуулийн 21.13-т заасан  гүйцэтгэх үйл ажиллагааны хуулийг зөрчсөн үйл баримт болсон байна. Тиймээс өмгөөлөгч нарын зүгээс  ТЕГ-т гомдол гаргаж, хандлаа. Тухайн эмэгтэйчүүдээс цагдаагийн байгууллагын эрх бүхий албан тушаалтнууд маш олноороо амралтын өдөр  10 гаруй цаг тайлан мэдээлэл авч, эрүү шүүлт хийж тулгасан байж болзошгүй байна. Тиймээс мөн ЦЕГ-ын тусгай субъектийг шалгах газарт шалгуулахаар гомдол гаргаад байна. Эмэгтэйчүүдийн өгсөн мэдээллээр үндсэн хуулийн 16.13-т зааснаар халдашгүй дархан байх эрхийг зөрчиж эрүүдэн шүүж, хүч хэрэглэсэн байдлаар тайлбар мэдүүлэг авсан нь хүний эрх зөрчиж, нэр төр алдар хүндийг гутаан доромжлох байдлааар хандсан байж болзошгүй. Мөн албан тушаалтнуудын нэр хүндийг гутаан доромжилсон.  Тухайн хүмүүсийн хувьд найз нөхдөөрөө уулзсан эсэхийг тогтоож шалгаагүй байж хууль зөрчлөө гэж шууд хардаж болохгүй. Хөл хорио тогтоосон биш байх цаг хугацаанд уулзсан юм билээ.Орцны бичлэг алдагдсан нь тухайн эрх бүхий шүүгчид, албан тушаалтнуудыг тагнасан дагасан, мөрдсөн байж болзошгүй учраас л ТЕГ-т гомдол гаргаж байна.