Сергей Диордица: Астразенека ДЭМБ-аас зөвшөөрсөн, чанарын шаардлага хангасан вакцин

ДЭМБ-ын Монгол дахь Суурин төлөөлөгч Сергей Диордица: Дэлхийн улс орнууд вакцин бүтээх, хөгжүүлэхтэй холбоотойгоор ихээхэн үр дүнд хүрээд байгаа. Вакциныг хоёр чиглэлээр түгээж байна. COVAX механизм буюу ОУ-ын байгууллагуудын нэгдсэн, улс орнуудад вакциныг тэгш хүртээмжтэй хуваарилах зорилготойгоор уг хөтөлбөрөөр вакциныг түгээх. Мөн тусламжийн замаар улс орнууд авч байна. Монгол Улс өнөөдөр БНЭУ-ын тусламжаар өгч буй Оксфордын их сургуулийн Астразенека вакциныг хүлээж авч байгаа нь тун сайхан үйл явдал болж байна. Энэ вакцин нь ДЭМБ-аас зөвшөөрөгдсөн, чанарын шаардлага хангасан вакцин.