Бичлэг задарсан байрны хяналтын камерын сервер байрладаг өрөө цоожтой, хариуцсан ажилтан нь амралтын өдрөөс хойш ажилдаа ирээгүй байна

Нэр бүхий шүүгч, АТГ-ын ажилтан, Ерөнхийлөгчийн тамгын газартай хамтран ажилладаг өмгөөлөгч нарыг биеэ үнэлэлтийг зохион байгуулсан байж болзошгүй гэдгээр ЦЕГ-аас хэрэг нээн шалгахаар болжээ. Тухайн шүүгчдийн бичлэгийг хэн цацав, ямар зорилгоор олон нийтэд хүргэв гэдгийг ч мөн хуулийн байгууллага шалгаад эхэлжээ. Тухайн байрны хяналтын камерын бичлэгийг тус байрны СӨХ хариуцдаг аж. Биг кастел ХХК-ийн хариуцдаг орон сууцны үйлчилгээний давхарт тус байрны хяналтын камерын сервер байдаг бөгөөд одоогийн байдлаар хаалттай байна. Бичлэг задарснаас хойш СӨХ-ны удирдлагууд нь тухайн өрөөг цоожлоод түлхүүрийг нь авчээ.