Ц.Ганзориг: БЗД-т 32 мянган өрхөөс шинжилгээ авах байсан ч 52 мянга дөхөж нэмэгдэн лабораторийн ачааллыг нэмэгдүүлсэн

Засгийн газрын ХМОНХА-ны дарга Ц.Ганзориг: Иргэдийн хувьд өнөөдөр Нэг хаалга-Нэг шинжилгээний өргөн тандалтын ажил дуусгавар болно. Цаашид тандалт судалгааны ажил хийхгүй, ажилдаа явахад PCR шинжилгээний бчииг нэхэх байх гэдэг шалтгаанаар нэг гэр бүлийнхэн бөөнөөрөө өгөх  байдлаар өрх бүрийн төлөөллыг өгөх бололцоог хааж байна. Иргэд шинжилгээндээ идэвхтэй байгаа нь сайн хэрэг ч гэлээ нөгөө талаараа лабораторийн хүчин чадлыг нэмэгдүүлж байна. Өнөөдөр БЗД-ээс 10 мянган өрхөөс шинжилгээ авахаар төлөвлөсөн. Хоёрдугаар сарын 08-наас хойш шинжилгээ өгөөгүй хүмүүсээ нягталж,  авна.  Мөн 23-нд шинжилгээ аваад дуусгавар болох биш эрсдэл ихтэй хороо дүүргийн бүсүүдэд өргөтгөсөн тандалт судалгааны ажлууд хийгдэнэ. Бусад дүүргүүдэд өгч амжаагүй иргэдээс дахин авах байдлаар явуулын баг авч байна. Өнөөдөр СХД, ХУД-т авч байна. Хоёрдугаар сарын 08 нд өгсөн Төрийн алба хаагчид, 11-нд голомт ихтэй газруудын иргэд шинжилгээнд хамрагдсан бол дахин өгөх шаардлагагүй. БЗД-т 32 мянган өрхөөс авах байсан ч 52 мянга дөхөж нэмэгдэж лабораторийн ачааллыг нэмэгдүүлж байгаа. Нэг өрхийн хэд хэдэн гишүүн өгч байгаатай холбоотой. 23-наас хойш шинжилгээ авах ажил хийгдэнэ.