Ерөнхий сайдын хэвлэлийн зөвлөхөөр А.Амундра томилогдлоо

Монгол улсын Ерөнхий сайд Л.Оюун-Эрдэнэ танхимынхаа гишүүдийг томилж, бүрэн бүрэлдэхүүнээрээ ажилдаа ороод удаагүй байгаа. Тэгвэл өчигдөр Ерөнхий сайд зөвлөхүүдээ томилж эхэлсэн байна.

Тухайлбал, Саяхан хэвлэлээр МАН-д элссэн хэмээн шуугиж байсан А.Амундраг олон нийт, хэвлэл мэдээлэлтэй харилцах зөвлөхөөрөө томилсон байна. News.mn-ийг үүсгэн байгуулж, ажил амжилтын гараагаа эхлүүлж байсан А.Амундрагийн хувьд хэвлэл мэдээлэл, бизнесийн салбарын шилдэг менежерүүдийн нэг хийгээд улстөрийн болон нийгмийн олон төсөл хөтөлбөрүүдийг санаачлан, удирдан хэрэгжүүлсэн туршлагатай хэмээн салбарынхан нь үнэлдэг юм.