Ц.Ганзориг: ХУД-т ачаалал 10 мянган хүнээр нэмэгдсэн, нэг өрхөөс нэг л хүн шинжилгээнд хамрагдахыг анхааруулж байна

Засгийн газрын ХМОНХА-ны дарга Ц.Ганзориг: Хоёрдугаар сарын 20-ны Бямба гаригт явуулын PCR шинжилгээний цэг ажиллаж, ХУД-ээс шинжилгээг дахин авна. Нийт 32 мянган өрх хамрагдах байснаас 42 мянган өрх хамрагдсан гэдэг нь лаборатори дээр 10 мянгаар ачааллыг нэмэгдүүлсэн. Өчигдөр оройны байдлаао лаборатори дээр 40 мянган хүний шинжилгээний хариу уншигдахаар хүлээгдэж байна. Энэ нь найман хоногийн хугацаанд өдөрт 50 мянган хүн PCR шинжилгээ өглөө гэсэн үг. Өнөөдөр ЧД-т 23 мянга орчим, маргааш дараагийн дүүрэгт 23 мянга орчим, үлдсэн хоногуудад 33 мянга орчим өрхөөс PCR шинжилгээ аваад дуусах төлөвлөгөөтэй байна. Нэг зүйл анхааруулахад нэг өрхөөс нэг л хүн хамрагдана. Үүнтэй холбоотой давхардал ачаалал үүсгэхгүй байхыг анхааруулж байна.