Б.Жавхлан: Бэлэн мөнгө хэвлэж тараахгүй, банкуудад гацсан байгаа нөөц хөрөнгөөр зээл олголтыг нэмэгдүүлнэ

Сангийн сайд Б.Жавхлан мэдээлэл хийлээ. Тэрбээр "Сүүлийн нэг жилийн хугацаанд эдийн засгийг хүний биеэр жишээлбэл цусны эргэлт нь үндсэндээ 60-70 хувь зогссон.Мөнгөний нийлүүлэлт нь банкуудаар олгох зээл, төсвийн хөрөнгө оруулалт, гадаадын хөрөнгө оруулалт гэх үндсэн гурван сувгаар явагддаг.Эдийн засгийн хэвийн өсөлттэй жилүүдэд мөнгөний эргэлт 35 хувьтай байдаг. Харин өнгөрсөн онд 15 хувь болж буурсан байгаа юм. Эдийн засгаа сэргээнэ гэдэг нь товчхондоо мөнгөний эргэлтийг сайжруулах. Түүнээс биш бэлэн мөнгө хэвлэн тараахгүй. Банкуудад гацсан байгаа нөөц хөрөнгөөр зээл олголтыг нэмэгдүүлэх, төсвийн урсгал зардал, төсвөөр дамжин хийгдэх хөрөнгө оруулалт, гадаадын хөрөнгө оруулалтыг нэмэгдүүлэх чиглэлийг цогц хөтөлбөртөө багтаасан" гэв.