С.Амарсайхан: "Нэг хаалга-Нэг өрх" шинжилгээгээр халдвартай иргэдийн тоо өсөх хандлагатай байна

Бүх нийтийн бэлэн байдлын зэрэгт шилжсэн хугацаанд “Нэг хаалга-нэг өрх” шинжилгээнд Нийслэлийн 420 мянган өрхийг хамруулахаар төлөвлөсөн. Өнөөдөр /2021.02.11/ Монгол улсын Шадар сайд С.Амарсайхан Чингэлтэй дүүрэгт ажиллаж хөл хорионы нөхцөл байдалтай танилцах үеэр 13:30 цагийн байдлаар 45.000 иргэн шинжилгээнд хамрагдаад байна. Эхнээсээ шинжилгээнд хамрагдсан иргэдээс халдвар илэрч байна. Энэ нь халдвар хаана ч байх эрсдэлтэй байгаа тухай хэлсэн юм. Нийслэлийн хэмжээнд шинжилгээг 210 цэгт авч байгаа юм. Харин шинжилгээний хариу 24 цагт гарна гэдгийг ЭМЯ-аас мэдээлсэн. Өмнө нь PCR шинжилгээний хариу 72 цагийн дотор гардаг байсан бол 24 цагт гарч байгаа юм. Өнөөдрийн байдлаар Баянзүрх дүүргийн 22 хорооноос “Нэг хаалга-Нэг өрх” шинжилгээг эхлүүлсэн. Гурав хоногийн хугацаанд тус дүүргийн 26.990 иргэнийг шинжилгээнд хамруулах аж.