Л.Оюун-Эрдэнэ: ЗГ-аас танилцуулж буй 10 их наядын төсөв улсын төсвөөс гарахгүй

МУ-ын Ерөнхий сайд Л.Оюун-Эрдэнэ "Эрүүл мэндээ аварч, эдийн засгаа сэргээх 10 их наяд төгрөгийн цогц төлөвлөгөө"-г танилцуулахдаа "Тээвэр ложистикийн төслүүдийг Засгийн газрын 100 хоногт эхлүүлнэ. Нэмүү өртөг шингээсэн бүтээгдэхүүнийг бий болгоё  Төр хувийн хэвшилтэй хамтрах эсвэл хувийн хэвшлийг дангаараа ажиллахад нь төрөөс дэмжих болно. Үүнд мөн эрх зүйн шинжтэй асуудлуудыг оруулах болно. Хатуу хөл хорио суларсан үед эдийн засгаа сэргээхэд ААН-тэй хэсэгчилсэн уулзалтуудыг хуулийн хүрээнд хийнэ. Энд танилцуулж буй 10 их наяд төгрөг улсын төсвөөс гарахгүй" гэдгийг онцлон хэллээ.