Л.Оюун-Эрдэнэ: ЗГ-аас 3 жилийн хугацаатай хүүгүй зээлийг ААН-дэд олгоно

МУ-ын Ерөнхий сайд Л.Оюун-Эрдэнэ: Эдийн засгийн хувьд хамгийн хүнд салбар бол үйлчилгээний байгууллагууд. Энд зээлийн хүү, түрээсийн асуудал байна. Үүнийг шийдэхэд 2 их наяд төгрөгийн 3 жилийн хугацаатай хүүгүй зээлийг олгож, зах зээлд нийлүүлэхээр төлөвлөж байна. Үүний нэг их наяд төгрөгийг Хармагтайн ордоос босгоно. Мөн Монгол банкнаас нэг их наядын бонд босгон арилжааны банкуудаар дамжуулан олгох юм.  Энэ бол томоохон оновчтой шийдвэр гэж үзэж байна. Залуучуудын хөдөлмөр эрхлэлтийг дэмжих үүднээс 1 сая төгрөгийг 2 жилийн хугацаатай олгохоор төлөвлөж байна. Ингэхдээ сар бүр 5000 залуусыг МСҮТ-д 2 сарын хугацаатай вакум сургалтыг явуулна. Халдвар хамгаалалтын дэглэмийг барьж, жолооны курсд суралцах боломж, МСҮТ-д байхдаа ямар ажил хийж болох вэ? гэдэг вакум сургалтыг төгссөн залуус 1 сая төгрөгийн тэтгэлэг авах юм. Ингээд төгсөж гарсан иргэдийг ажлын байраар хангасан ААН байгууллагыг төрөөс урамшуулах олгох зарчмаар дэмжинэ. Манай Засгийн газар халамж болон бэлэн мөнгийг олгохоос аль болох зайлсхийж энэ мэт зарчмаар явах болно.