Л.Оюун-Эрдэнэ: Өнөөдрийн шийдвэр давс мэт байна

Өнөөдөр /2021.02.10/ МУ-ын Ерөнхий сайд Л.Оюун-Эрдэнэ "Эрүүл мэнд, эдийн засгаа сэргээх 10 их наядын цогц төлөвлөгөө-г боловсруулсан тухайгаа танилцуулж байна.

Ерөнхий сайд Л.Оюун-Эрдэнэ: Энэ жилийн хувьд ирж буй үхэр жил эзэндээ ээлтэй байж манай эдийн засаг сэргэнэ гэдэгт итгэж байна.  Манай улс Австрали болон Шинэ Зеланд улсын туршлагыг баримтлана. Өнгөрсөн хугацаанд 4.1 их наядын мөнгөний бодлого баримталсан энэ нь зөв зүйтэй ажил болсон. Харин үүнийг үргэлжлүүлэх учиртай. Өнөөдрийн байдлаар төсвийн алдагдал ДНБ-ийн 12 хувьтай явж байна. Арилжааны банкууд төв банк дээр эрсдлийн сан бүрдүүлсэн нь эдийн засагт сөргөөр нөлөөлж байна. Мөн 60 мянган ажлын байр цар тахлаас үүдэж алга болжээ. Өнөөдрийн миний танилцуулах шийдвэр давс мэт шийдвэр байна. Урьдын адил халамжийн бодлогыг баримтлахгүй. Тиймээс шинэ идэвхтэй эрүүл амьдралын хэв маягт шилжих учиртай. Маскаа сайн зүүж эдийн засгаа сэргээхэд бүгд оролцох учиртай. Улс орнууд эрүүл мэнд, эдийн засаг хоёрын аль нь чухал вэ гэж аль нэгийг нь чухал гэж үзсэнээс үүдэж алдаа гаргасан байна. Тиймээс бид эрүүл мэнд, эдийн засгаа зоосны хоёр тал гэж үзэж ижил түвшинд авч явах цаг үе ирсэн байна. Болж өгвөл дахин хөл хорио тогтоолгүй урагш алхах хэрэгтэй байна.