Сар шинийн өдрүүдээр золголт хийсэн иргэнийг 500.000 төгрөгөөр торгоно

2021 оны 02 дугаар сарын 11-ний 06:00 цагаас 2021 оны 02 дугаар сарын 23-ны өдрийн 06:00 цаг хүртэл хугацаанд нийслэл Улаанбаатар хотод Гамшгаас хамгаалах бүх нийтийн бэлэн байдлын зэрэгт шилжиж, зарим хязгаарлалтын дэглэмүүд хуулийн дагуу үйлчилнэ. Үүнтэй холбогдуулан НОК-ын Шуурхай штабын удирдлагын багийн гишүүн, дэд хурандаа Э.Эрдэнэбаатар "Иргэд хатуу хөл хориотой үед буюу сар шинийн баярын үеэр ах, дүү хамаатан саднаараа зочлохгүй байх хэрэгтэй. Хэрвээ гадуур золголт хийвэл иргэнийг Зөрчлийн тухай хуулийн дагуу 500.000 төгрөгөөр, ААН үйл ажиллагаа явуулсан тохиолдолд таван сая төгрөгөөр торгоно" гэдгийг хэллээ. 2021 оны 02 дугаар сарын 23-ны өдрийн 06:00 цаг хүртэл цагдаагийн байгууллага нийслэлийг хяналтдаа авч ажиллах аж.