Б.Даваажав: Талийгаачийн амь насыг аварчих юмсан гэж бодож албан үүргээ гүйцэтгэсэн

Сүхбаатар дүүргийн Цагдаагийн 1 дүгээр хэлтсийн цагдаагийн албан хаагч Б.Даваажав өнөөдөр Сүхбаатарын талбай дээр албан үүргээ гүйцэтгэж яваад өөрийгөө шатааж, амиа егүүтгэсэн иргэний амь насыг аврах гэж оролдсон боловч үйл явдал хурдан болж өнгөрсөн талаар хэлж байна. Тэрээр иргэний амийг аврах юмсан гэж яаран гүйсэн ч хожидсон тухайгаа хэллээ. Талийгаач 34 настай иргэний биед байсан бичиг баримт нь өөрийнх нь мөн бөгөөд тэрээр хувиараа диск борлуулдаг байсан байна.