"Насны хишиг", "Эхийн алдар" одонтой эхчүүдийн тэтгэмжийг 02 сарын 09-нд олгоно

Хөдөлмөр, халамж үйлчилгээний ерөнхий газраас энэ сарын 10-ны өдрөөс “Насны хишиг” болон “Эхийн алдар” одонтой ээжүүдийн тэтгэмжийг олгоно гэж мэдээлж байсан тэгвэл дээрх төрлийн үйлчилгээ авдаг иргэдийн мөнгө 2 дугаар сарын 09-ний өдрөөс эхлэн олгогдох аж. Энэ төрлийн тэтгэмж авдаг ахмад настан болон эхчүүд И-халамж цахим сайт руу орж арилжааны банкууд дахь харилцах дансаа бүртгүүлэх шаардлагатай юм. Өнөөдрийн байдлаар “Насны хишиг”-ийн үйлчилгээг авдаг ахмадын 80 хувь нь харилцах банкны дансаа бүртгүүлсэн байгаа бөгөөд сар шинийн баярын өмнө халамжийн 6 төрлийн үйлчилгээ авдаг иргэд И-халамж цахим сайтад дансаа холбох шаардлагатай байгаа юм. Иргэд дансаа үнэн зөв холбосноор халамжийн мөнгө дансанд нь бүрэн орох бөгөөд бүртгүүлэхийн тулд иргэд халамж үйлчилгээний төвүүдэд заавал өөрийн биеэр ирэх албагүй, И халамж.мн сайт руу орж цахимаар нэр, регистрийн дугаар зэргээ бүртгүүлж тэтгэмж авах банкны нэрээ бичээд тэтгэмж авах хүсэлтээ гаргахад л болох аж. Иргэдийн данс холболтын ажлыг аймаг, орон нутагт Халамжийн хэлтсээр дамжуулан хийж байна. Ингэхдээ аймаг, сум, орон нутагт оршин суугаа иргэд утсаар холбогдох юм уу, өөрийн биеэр ирж бүртгүүлж болох юм.