Засгийн газраас залуу гэр бүлийг орон сууцжуулах ажлыг туршилт хэлбэрээр хийхийг салбарынхнаас хүслээ

Өнөөдөр /2021.02.02/ МУ-ын Ерөнхий сайд Л.Оюун-Эрдэнэ барилгын салбарынхантай уулзлаа. Тэрээр хувийн хэвшил, Засгийн газар хамтран залуу гэр бүлийг орон сууцжуулах ажлыг хэрхэн эхлүүлж болох талаар ярилцсан юм. Ингэхийн тулд нэн түрүүнд дэд бүтцийн ажлыг шийдэж, аж үйлдвэржсэн орон болох хэрэгтэй гэдгийг хэлсэн юм. Статистик мэдээнээс үзэхэд орон сууцтай болох иргэд аливаа төсөл, хөтөлбөрт хамрагдаж чаддаггүй нь харагдсан. Энэ нь юу гэсэн үг вэ гэхээр ихэнхи айл өрхүүд орон сууцныхаа метр квадратыг томруулах, нэг өрөөгөө хоёр өрөө байр болгох, хоёр өрөөгөө гурван өрөө болгох үйл явц явагддаг нь харагдсан учир нэн яаралтай зорилтот бүлэг, залуу гэр бүлээ дэмжих ажлыг эхлүүлэх хэрэгтэй хэмээн тэрээр онцлон хэлсэн юм. 

Тэр ч утгаар "Залуус" 1, 2, 3 дугаар хорооллыг туршилт байдлаар хийж, Засгийн газраас хоёр хорооллыг нь Улаанбаатар хотод, нэг хорооллыг нь орон нутагт хийж үзэхийг хүсэж байгаагаа илэрхийллээ. Цаашид энэ мэт олон ажлыг эхлүүлэх хэрэгтэй байгааг ч мөн уулзалтын үеэр дурьдсан юм.