Испанид вакцин хийлгэсэн өндөр настнууд бүгд COVID-19 тусжээ

Испанийн Лагартера хотын өндөр настны асрах газар амьдардаг 78 хүн “Pfizer” вакцин хийлгэсний дараа бүгд корона вирусийн халдвар авсан тухай “EFE” агентлаг мэдээлсэн байна. Асрах газрын удирдлагын мэдээлснээр өндөр настнууд нь вакцины заавал хийлгэх ёстой эхний тарилгыг нэгдүгээр сарын 13-нд хийлгэсэн юм байна. Үүний дараа арван өндөр настанд корона вирусийн халдварыг эхний шинж тэмдэг илэрчээ. Гэвч тухайн үед үүнийг вакцины гаж нөлөө гэж үзээд онцгой анхаараагүй байж. Гэтэл удалгүй халдвар авсан хүний тоо нэмэгдэж эхлэхэд өндөр настнуудыг бүгдийг нь өрөөнд нь тусгаарлан гадагш гарахыг нь хориглосон байна. Хоёрдугаар сарын 1-ний байдлаар тус өндөр настны газрын долоон хүн нас барж, дөрвөн хүн бие нь муудан эмнэлэгт хүргэгдэж, бусад нь өрөөндөө тусгаарлагдсан байдалтай байгаа аж. 

Тус асрах газар гарсан өвчлөл нь улсад COVID-19-ийн цар тахал орж ирснээс хойш анх удаа бүртгэгдэж байгааг удирдлагууд нь онцолсон байна.