Жүжигчин Г.Анандад гурван жилийн хорих ял оноожээ

Өнгөрөгч 2020 оны нэгдүгээр сарын 16-17-нийг шилжих шөнийн 05:50 цагийн орчим Хан-Уул дүүрэг Их Монголын гудамжинд асфальтан замд “Toyota Premio” маркийн А жолоочтой автомашин, “Mercedes” Benz маркийн А жолоочтой автомашинтай мөргөлдөж, жолооч 45 настай, эрэгтэй, А нас барсан ноцтой осол гарсан. Осол гаргасан “Mercedes Benz” маркийн автомашиныг жолоодож явсан А гэх хүн нь залуу жүжигчин Г.Ананд байсан тухай бид мэдээлж байсан юм. Тэрбээр осол хийх үедээ согтууруулах ундааны зүйл хэрэглэсэн байсан гэх бөгөөд мөргүүлсэн "Toyota Premio" маркийн автомашины жолооч газар дээрээ амиа алдсан юм. Г.Анандын хувьд “Single ladies-3” кинонд тоглосноор жүжигчний карьер нь эхэлж, олны танил болсон нэгэн. Тэгвэл Г.Ананд нь гэм буруугаа хүлээсэн учир түүнд гурван жилийн хорих ял оноож, жолоодох эрхийг нь таван жилээр хассан байна. Талийгаачийн ар гэрийнхэнд хохиролын мөнгө 25 сая төгрөгийг Г.Ананд өгсөн бөгөөд түүнийг гэм буруугаа хүлээн зөвшөөрч тохиолдлын шинжтэй нөхцөл байдлын улмаас анх удаа гэмт хэрэг үйлдсэн гэж үзэж ийнхүү ял оноожээ.