Дорноговь аймагт сэжигтэй нэг тохиолдол батлагдлаа

Өнөөдрийн /2021.01.30/ ЭМЯ-аас өгсөн мэдээллээр Дорноговь аймагт нэг сэжигтэй тохиолдол бүртгэгдсэн тухай мэдээлсэн. Тэгвэл Улаанбаатар хотын Сонгинохайрхан дүүргийн 24 дүгээр хороонд оршин суух хаягтай 37 настай эрэгтэй иргэн Э-ийн PCR шинжилгээний хариу эерэг гарч баталгаажсан байна. Иргэн Э нь Дорноговь аймагт ажил хийхээр ирсэн иргэдтэй хамт ирсэн байна. Явсан маршрут нь 9 дүгээр сургууль, Нисэх буудал, Налайх Оргил худалдааны төвөөр үйлчлүүлээд 2021 оны 01 дүгээр сарын 29-ний өдөр Дорноговь аймгийн Сайншанд хотод иржээ. Мөн 29-ний өдрийн 14:00-16:00 цагийн орчимд Говьсүмбэр аймгийн "Говь амтат зоог" хоолны газраар үйлчлүүлжээ. Тиймээс батлагдсан тохиолдлын явсан маршрутаар тухайн цагт явж байсан иргэд шинжилгээнд хамрагдахыг анхааруулж байна. Иргэн Э-г Дорноговь руу оруулаагүй бөгөөд сэжигтэй тохиолдлыг аймгийн пост дээр илрүүлж, тусгаарлалтад аваад байгаа бөгөөд маргааш /2021.01.31/ ХӨСҮТ рүү шилжүүлэх аж.